Првпат откако беа воведени новите построги правила, беше покажан црвен картон за втора дисквалификација во иста сезона, а неславниот момент му припадна на турскиот скијач Фатих Арда Ипчиоглу.
Со почетокот на тековната сезона на Светскиот куп, стапија во сила ревидираните правила на Меѓународната скијачка и сноуборд федерација (ФИС), според кои секоја дисквалификација поради несоодветна опрема носи жолт картон. Вториот прекршок автоматски значи црвен картон и суспензија од натпреварувањето.
Во машка конкуренција, прв што го почувствува целосното влијание на новите правила беше Ипчиоглу. Тој првпат беше дисквалификуван на 23 ноември, во квалификациите за Светското првенство во Лилехамер, додека втората дисквалификација беше на натпреварувањето во неделата, во Клингентал. Во двата случаи, причината беше иста: предолги скии, што е јасен технички прекршок според правилата.
Казната се однесува на два последователни индивидуални натпревари, па така Турција има право да се натпреварува само со еден скокач во тој период.
ИЗДВОЕНИ
ИЗМЕНИТЕ ВО КРИВИЧНИОТ ЗАКОНИК СТИГНАА ВО СОБРАНИЕТО – Се зголемуваат казните: наместо пет, за злоупотреба на службената должност до десет години затвор
Скопје урива рекорди по отровен воздух, државата скрои мерки за Струмица и за Кичево
Две кошници, едно прашање – со колку навистина може да се живее?
Кочница за бесните возачи – пакетот закони за „Безбеден град“ летаат низ собранискиот филтер
