Ова се жртвите на терористичкиот напад во Вашингтон: Убиен работник во амбасадата и неговата свршеница пред Еврејскиот музеј/ФОТО

Синоќа пред еврејскиот музеј Капитол се случи инцидент кој властите сега го истражуваат како терористички напад, а меѓу жртвите се и Јарон Лишински, истражувачки асистент во Амбасадата на Израел и неговата идна свршеница, чие име се уште не е објавено.

Лишински (28) работеше во Одделот за Блискиот Исток и Северна Африка во амбасадата и беше познат по својот дипломатски увид и неуморната посветеност на надворешната политика на Израел.

Роден во Германија, Лишински на 16-годишна возраст одлучи да се пресели во Израел и брзо стана почитувана личност во израелските дипломатски кругови. Колегите го опишаа како „ѕвезда во подем со златно срце“.

Двојката наводно била на пат кон настан во музејот кога биле застрелани од непосредна близина. Тие планирале да отпатуваат во Ерусалим следната недела за да ја прослават нивната свршувачка.

Снимките од местото на настанот го покажуваат хаосот кој настанал веднаш по нападот. Еден очевидец го снимил осомничениот напаѓач како извикува „Слобода на Палестина!“, додека безбедносните сили го совладуваат.

Друг маж, кој се чини дека е со потекло од Блискиот Исток, бил виден како му дава нешто на напаѓачот, што укажува на можна координација. Човекот сега е во притвор и е сослушан од федералните власти.

Yaron and Sarah were our friends and colleagues. They were in the prime of their lives.

This evening, a terrorist shot and killed them as they exited an event at the Capital Jewish Museum in DC.

The entire embassy staff is heartbroken and devastated by their murder. No words… pic.twitter.com/2HytKDp8Fr

— Embassy of Israel to the USA (@IsraelinUSA) May 22, 2025

Официјални лица велат дека ФБИ, ДХС и метрополитенската полиција на Вашингтон го третираат инцидентот како терористички акт мотивиран од омраза. Безбедноста во еврејските институции низ главниот град е подигната на повисоко ниво.