„Ова беше последното мирно лето за Европа“: Мрачна прогноза на германскиот министер Писториус

Германскиот министер за одбрана Борис Писториус во неодамнешно интервју изјави дека минатото лето можеби било „последното мирно лето“ за Европа.

„Воените експерти и разузнавачките служби можат грубо да проценат кога Русија ќе ги обнови своите вооружени сили до степен до кој би била способна да изврши напад врз источна членка на НАТО. Секогаш сме велеле дека ова би можело да се случи од 2029 година.

Сепак, сега има и такви кои тврдат дека тоа е замисливо уште во 2028 година, а некои воени историчари дури веруваат дека веќе го имавме последното мирно лето. Не треба да создаваме впечаток дека НАТО не може да се одбрани. Може.

Има значителен капацитет за одвраќање – конвенционален, но секако нуклеарен. Без оглед на тоа, имаме борбено способни вооружени сили, но да, треба да ги опремиме уште подобро“, рече Писториус како одговор на прашањето дали може да се случи Русија да нападне многу порано, со оглед на тоа што брзо се вооружува.

„Во Москва постои голем противник“
Германскиот канцелар Фридрих Мерц претходно вети дека Бундесверот ќе стане најсилната армија во Европа, а Писториус изјави дека Германија, во случај на напад, е подготвена да „убие руски војници“. Според германскиот министер за одбрана, мирот постои само благодарение на силата и подготвеноста за одбрана, поради што е итно потребна модернизација и вооружување на армиите на членките на НАТО.

„Нашата безбедносна состојба значително се промени. Ова стана јасно дури во 2022 година, и тогаш беше предоцна. Сега е очигледно: во Москва има голем противник кој дејствува на исклучително суров и империјалистички начин. Мораме да се подготвиме за ова уште подобро. Мораме да можеме да предвидиме можна идна војна и однапред да создадеме агилни, отпорни структури“, рече министерот, меѓу другото.

“Europe’s last peaceful summer.” Russia may attack NATO sooner than expected

German Defense Minister Boris Pistorius said the past summer may have been “the last peaceful one” for Europe.

“We always assumed that a Russian attack on NATO could happen in 2029. But now we’re… pic.twitter.com/0mLVRWZOx8

— NEXTA (@nexta_tv) November 17, 2025