Екипите на ЈП „Комунална хигиена“ – Скопје минатата недела продолжија со активните интервенции на терен, отстранувајќи 653 кубни метри отпад од дивите депонии низ различни скопски општини. Особено беше истакната интервенцијата на булеварот „Никола Карев“ (Пластичарска улица), каде што беа подигнати приближно 60 кубни метри мешан комунален отпад од три помали диви депонии.
Покрај физичкото чистење, екопатролата на ЈП „Комунална хигиена“ – Скопје имаше и контролна функција, врачувајќи 32 записници за лица и за правни субјекти затечени при непрописно фрлање отпад. Најголем број од констатираните прекршувања беа забележани во скопската општина Чаир.
Од ЈП „Комунална хигиена“ – Скопје апелираат до граѓаните и до фирмите да ја почитуваат регулацијата за управување со отпад, со цел зачувување на јавните површини чисти, како и спречување на создавање нови диви депонии. Активностите на ова јавно претпријатие продолжуваат и во наредните денови, со цел Скопје да остане поурбан и поеколошки одговорен град.
