Откриено новото тајно оружје на Англија за СП2026!

Англиската репрезентација верува дека пронашла тајно оружје пред Светското првенство, специјални влечки кои треба да ги изострат умовите на нејзините ѕвезди. Играчите на Томас Тухел се видени како носат нови патики на „Најк“ „Mind001“, за кои спонзорот тврди дека ја подобруваат менталната острина и фокусот, објавува „Дејли меил“.

Специјалните патики, кои изгледаат како светло обоени апостолки, чинат околу 80 фунти (околу 90 евра). Според производителот, патиките „ја подобруваат вашата рутина пред натпреварот со научен пристап што го менува умот“ со поврзување на сензорите на стапалата со рецепторите во мозокот.

Селекторот на Англија, Томас Тухел, кој не носеше влечки кога се сретна со медиумите, изгледаше доста резервиран во врска со новата технологија. „Не знам многу за овие обувки. Ми рекоа дека можам подобро да се фокусирам на состаноците ако ги носам овие обувки и се надевам дека веруваат во тоа. Можеби најважно е што веруваат во тоа. Не ја знам науката зад тоа“, рече тој.

Германецот додаде дека Најк сакал сè да му објасни. „Очајно сакаат да ми кажат, но немав време да сфатам. Но, сите играчи ги носат.“

Подготовката на Тухел за натпреварите се базира на медитација и техники на дишење, практики што 52-годишникот ги научил за време на тренерската кариера во неговата родна Германија. На прашањето дали верува во позитивно размислување, тој без двоумење одговори: „Да, 100 проценти. Се додека сите веруваат во тоа.“

„Почнав да медитирам долго пред мојот престој во Челзи. Ми помага со дисциплината. Треба да го правам тоа секој ден, кога ќе се разбудам и навечер, но не сум доволно дисциплиниран. Двапати на ден би било идеално, но се обидувам да го правам тоа барем еднаш дневно“, објасни Тухел.

„Би ги охрабрил сите да го пробаат. Верувам дека функционира. Дури и ако не верувате дека функционира, не морате. Тоа е убавото нешто во врска со медитацијата. Тука во кампот ја имаме д-р Сузан Скот која прави фантастични сесии за дишење. Играчите се согласуваат со тоа. Тие чувствуваат олеснување“, рече селекторот на Англија.