Кина го откри своето најголемо наоѓалиште на злато во последните речиси осум децении, објави Министерството за природни ресурси на земјата.
Наоѓалиштето Дадонг во покраината Лиаонинг содржи повеќе од 1.000 тони злато, објави кинескиот медиумски сервис CGTN.
Проценките покажуваат дека наоѓалиштето содржи околу 1.444,49 тони злато во рамките на 2,586 милијарди тони руда, со просечна содржина од 0,56 грама злато на тон руда.
Содржината на злато на тон е ниска, но огромниот обем на наоѓалиштето го прави најголемото поединечно откритие на злато во Кина од 1949 година.
Кина значително ќе ги зголеми своите резерви на злато по откривањето, што би можело да влијае и на глобалната динамика на целиот пазар.
Цената на златото достигна рекордна вредност од 4.380 долари за унца кон крајот на октомври, а моментално е над 4.000 долари за унца, според податоците на берзата.
Побарувачката за безбедни инвестиции како што е златото останува висока поради глобалната економска неизвесност и инфлаторните притисоци.
