Привременото раководство на Сирија пронајде остатоци од тајната програма за хемиско оружје на поранешниот сириски претседател Башар ал-Асад, вклучувајќи суровини и муниција за кои се сомнева дека се користени во напади за време на граѓанската војна, објави Ројтерс.
Претставникот на Сирија во Организацијата за забрана на хемиско оружје (OPCW) Мохамед Катуб во понеделник изјави за Ројтерс дека се уапсени 18 лица осомничени за вмешаност во програмата за хемиско оружје, вклучувајќи високи воени, политички и технички функционери на поранешниот режим.
Катуб во интервју рече дека се пронајдени и материјали што се користат за производство на сарин, нервен гас за кој се тврди дека се користел во напади за време на сириската војна.
Тој рече дека се запленети повеќе од 70 ракети и воздушни бомби што биле користени или наменети за хемиско оружје.
Катуб додаде дека меѓу уапсените има и високи воени функционери од структурите на поранешниот режим на Башар ал-Асад. Сириските преодни власти не објавија дополнителни детали за операцијата, а истрагата е во тек. објавува Журнал.мк
ИЗДВОЕНИ
Во Дојран може да се летува за помалку од 200 евра, но и покрај ниските цени, нема туристи
ЖИВОТНИ ПАТОКАЗИ, ЗОРАН КРСТЕВСКИ: Силна верба
ЕКСКЛУЗИВНО ЗА ВЕСНИКОТ ВЕЧЕР: Врвот на „Синохидро“ со гаранција – идната година ќе се вози по автопатот Кичево – Охрид
Петровден е и денот на традиционалната културна манифестација Галичка свадба – живо сведоштво за дел од нашето културно наследство
