Царинската управа откри обид за царинска измама поврзана со увоз на додатоци на храна, при што е спречено неплаќање давачки во вкупен износ од 622.000 денари.
– Поднесена е кривична пријава за сторено кривично дело царинска измама со увоз на додатоци за исхрана за увозник, шпедиции и за лиценцирани застапници, кои со ваквото дело го оштетиле буџетот на државата за 622.492 денари. Станува збор за увоз извршен во периодот од октомври 2022 година до мај 2023 година, за кој осомничените – шпедиции и лиценцирани застапници, во договор со увозникот, ја пријавувале стоката во погрешна тарифна ознака, со пониски царински давачки – соопшти Царинската управа.
Делото, како што е наведено во соопштението, е откриено при контроли извршени од инспекторите од Одделението за контрола на трговски друштва, по што случајот му е предаден на Одделението за истраги, од каде што против сторителите е поднесена кривична пријава до надлежното јавно обвинителство, а воедно донесени и се решенија за дополнителна наплата.
Од Царинската управа велат дека ќе продолжат со мерките за заштита на финансиските интереси на државата и за обезбедување фер конкурентност на пазарот
ИЗДВОЕНИ
НЕЛОГИЧНОСТА СО ФИНАНСИРАЊЕТО ЌЕ СЕ ПОВТОРИ И НА ПРЕТСТОЈНИТЕ ИЗБОРИ: Изборите се добра тезга – десетици гласови носат десетици илјади евра!
Во последните денови од кампањата се вадат најјаките адути: И Бранко се јави
САШО МАНЕВСКИ, КАНДИДАТ НА ГРУПА ИЗБИРАЧИ ЗА ГРАДОНАЧАЛНИК НА ГРАД СКОПЈЕ: Ќе ги тргнам неспособните партиски директори на јавните претпријатија и ќе поставам професионалнци
АДВОКАТ ЗВОНКО ДАВИДОВИЌ ЗА ИЗВЕШТАЈОТ ОД ВЕНЕЦИЈАНСКА КОМИСИЈА: Мал чекор до вистинска независност на правосудството
