Откако го чекаше Путин на закажана средба 40 минути – премиерот на Пакистан се одлучи на неочекуван потег/видео

Нeочекуван потег од понижениот пакистански премиер го одбележа меѓународниот форум во Туркменистан.

На меѓународниот форум во Туркменистан, по повод 30-годишнината од трајната неутралност на земјата на 12 декември, пакистанскиот премиер Шехбаз Шариф требаше да се сретне со рускиот лидер Владимир Путин на маргините на настанот.

Но, планот за средбата доби неочекуван пресврт.

Според видеото објавено од „РТ Индија“, откако чекаше 40 минути во соседната соба со министерот за надворешни работи Ишак Дар, Шариф одлучи да влезе во просторијата каде што Путин разговараше со турскиот претседател Реџеп Таип Ердоган со надеж дека ќе обезбеди барем кратка интеракција, бидејќи неговата планирана билатерална средба со рускиот лидер беше одложена, објави ndtv.com.

After waiting on Putin, who was meeting with Erdogan, for over 40min, Pakistan’s PM Sharif crashed their meeting by bypassing security. pic.twitter.com/2amzEhvrl6

— Olga Nesterova (@onestpress) December 12, 2025

Ова видео брзо се прошири низ интернетот, со бројни потсмешливи коментари за пакистанскиот премиер, но и критики кон Путин, бидејќи рускиот владетел е познат по својата склоност да ги држи своите соговорници и гостите на Кремљ да чекаат на договорена средба, дури и по неколку часа.