Отишле на патување во Иран, а таму се осудени на 10 години затвор за шпионажа: Сопружниците ги негираат обвиненијата, додека трпат физичка и емоционална тортура

Иран ги осуди британските државјани Линдзи и Крег Форман на 10 години затвор за шпионажа. Министерката за надворешни работи Ивет Купер ја нарече нивната казна целосно ужасна и неоправдана.

Министерката додаде дека ќе го продолжи случајот со иранската влада сè додека не ги види Крег и Линдзи Форман безбедно вратени во Обединетото Кралство и повторно обединети со своето семејство, објави Скај њуз. Двојката беше уапсена во јануари 2025 година додека беа на патување со мотоцикл низ светот и притворена под обвинение за шпионажа.

Двојката ги негира обвинувањата, а нивниот син наведува дека двојката „беше осудена на 10 години по судење, кое траеше само три часа и на кое не им беше дозволено да ја презентираат својата одбрана“. Пресудата беше донесена на 27 октомври 2025 година, а ја изрече судијата Аболгасем Салавати. Истиот судија е санкциониран од Велика Британија, САД и ЕУ за кршење на човековите права и судења што се сметаат за неправедни.

Пред изрекувањето на пресудата, Крег Форман ги опиша суровите услови на притвор и 57-те дена што ги поминал во самица, велејќи дека тие „го скршиле физички и емоционално“.

Министерството за надворешни работи на Велика Британија ги предупредува граѓаните да не патуваат во Иран поради ризикот од апсење и притвор.

Во последниве години, Техеран уапси повеќе странски државјани и лица со двојно државјанство, што западните земји и организациите за човекови права го сметаат за политички мотивирани потези за добивање отстапки.