Остров во Медитеранот продаден на семејството Трамп!

Италијанските медиуми објавија извештај, повикувајќи се на „Гардијан“, дека Иванка Трамп и Џаред Кушнер, ќерката и зетот на американскиот претседател Доналд Трамп, го купиле островот Сазан во Албанија за повеќе од една милијарда долари.

Овој остров, познат по својата природна убавина и воена историја, го привлече вниманието на двојката, која планираше да го претвори во луксузно одморалиште.

Островот Сазан, поранешна воена база, е дел од Националниот морски парк Карабурун-Сазан и е отворен за посетители од 2015 година, додека еден дел сè уште е зачуван како воена зона. За време на комунистичкиот режим, островот се користел за воена обука и операции, а сè уште е исполнет со остатоци од бункери и тунели, објавува euronews.al.

Преговорите за купување на островот се одвивале без знаење на албанските жители и парламентарци, сè додека не бил постигнат договор од 1,4 милијарди евра и јавно објавен. Според извештаите, главниот предизвик за проектот е расчистување на земјиштето од неексплодирани мини и воен отпад пронајден на островот.

Идеите за претворање на островот во луксузен одморалиште предизвикаа загриженост кај еколошките и научните групи за влијанието што проектот би можел да го има врз природната и културната средина на областа. Албанците дури почнаа да го нарекуваат островот „Остров Трамп“, име што го одразува влијанието на семејството Трамп во развојот на овој масивен проект.

Во подкаст, претседателот Трамп го изрази својот ентузијазам за иницијативата, нарекувајќи ја „извонредна“, но нагласи дека најголемиот предизвик останува чистењето на областа и обезбедувањето безбедност за идните посетители.

Покрај Сазан, „Афинити груп“, која ги водеше преговорите, планираше и уште еден проект во Србија, каде што изрази интерес да го претвори поранешното седиште на Министерството за одбрана во Белград во луксузен хотел.