Украинскиот претседател Володимир Зеленски денес објави дека 175 украински војници и цивили се ослободени од руски притвор и се враќаат дома.
„Нашите луѓе се враќаат дома. 175 воени лица. Војници на вооружените сили, членови на Националната гарда, граничари. Војници, наредници и офицери. И седум цивили“, напиша Зеленски на платформата „Икс“.
Во објавата се наведува дека војниците биле распоредени во Мариупол, во близина на нуклеарната централа Чернобил, во насоките Донецк, Луганск, Харков, Херсон, Запорожје, Суми, Киев и Курск.
Зеленски тврди дека Украинците се заробени од 2022 година и дека повеќето од нив се ранети.
„Им се заблагодарувам на секоја единица што го надополнува нашиот фонд за размена и со тоа го приближува враќањето на нашите луѓе. Враќањето на сите од руско заробеништво е прашање на принцип за нас. Им се заблагодарувам на сите во светот што ни помагаат во ова“, завршува објавата, пренесува „Бета“.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
