Оскаровката Вупи Голдберг реагираше откако и нејзиното име исплива од „Досиејата Епстин“: Бев премногу стара за негов тип

Добитничката на Оскар, Вупи Голдберг, јавно ги негираше тврдењата дека била поврзана со покојниот финансиер и осуден сексуален престапник Џефри Епстин, откако нејзиното име се појави во неодамна објавените документи познати како „Досиејата Епстин“.

За време на емисијата „Погледот“, Голдберг (70) објасни како била спомената во документите.

„Во име на транспарентноста, моето име е во досиејата. Да“, рече водителката и актерка, пред да прочита е-пошта од мај 2013 година во која се наведува дека ѝ е потребен авион за да оди на добротворен настан во Монако.

Според прикажаната преписка, Епстин одговорил на барањето за лет со кратко: „Не, благодарам“.

Голдберг нагласи дека никогаш не била во каков било однос со него.

„Луѓето се обидуваат да ме прикажат како да сум негова девојка или пријателка. Не бев ништо од тоа. Не само што бев премногу стара за неговиот тип, туку имаше факти пред да се каже нешто“, рече таа.

Актерката истакна дека во последните денови била изложена на критики и обвинувања на социјалните мрежи.

„Луѓето навистина веруваат дека бев со него. Ве молам… Секој маж со кого некогаш сум била бил јавно познат. Медиумите пишуваа за тоа. Значи – не“, рече таа.

Додаде дека никогаш не патувала со неговиот авион, и покрај обидот да организира лет за хуманитарен настан.

Голдберг потсети дека документите содржат имиња на бројни познати личности, но дека тоа не значи автоматски поврзаност со криминалните активности на Епштајн.

Епстин беше предмет на истрага во 2005 година, а подоцна се изјасни за виновен за подведување малолетник и поттикнување проституција, отслужувајќи 13 месеци затвор со бенефиции. Во 2019 година, тој беше обвинет за трговија со малолетници и заговор за извршување сексуална експлоатација, но изврши самоубиство во затвор истата година.

Голдберг претходно ги критикуваше жените во емисијата за кои рече дека биле соучесници во прикривањето на злосторствата на Епстин.

„Не само што се заштитуваа меѓусебно, туку и ние бевме соучесници. Жените не станаа и не рекоа: „Престани“, рече таа претходно овој месец.

Сега вели дека зборува само во свое име.

„Не можам да зборувам во име на другите. Зборувам во свое име, бидејќи ме влечат наоколу без причина“, заклучи Голдберг.