Унгарскиот премиер Виктор Орбан смета дека војната во Украина нема да ескалира во глобален конфликт бидејќи Русија е премногу слаба и не гледа вистинска воена закана од Русија за земјите од НАТО.
„Русите се премногу слаби за тоа. Тие не можат да ја поразат ни Украина, а не пак да го нападнат НАТО “, рече Орбан во интервју за францускиот информативен канал LCI, додавајќи дека не се плаши од ширење на конфликтот на светската сцена, но и дека Украина ја губи војната.
Унгарскиот премиер оценува дека прво треба да се постигне прекин на огнот, а потоа да се работи на мировен договор. И тоа не меѓу Украина и Русија, туку меѓу САД и Русија.
„Ниту Европа, ниту Украина нема да можат да постигнат договор со Русија. Затоа што Украина ја губи војната, а и Европа затоа што е премногу вклучена во неа. Потребен е договор меѓу Русите и Американците“, рече унгарскиот премиер. Тој повтори дека Украина не е подготвена да влезе во НАТО или ЕУ бидејќи, според него, тоа не е во интерес на Европската унија, а особено на Унгарија, пренесува РБЦ.
Тој изјави дека има потреба од преговори со Владимир Путин и рече дека со задоволство би го пречекал во Будимпешта.
„Ако Путин сака да дојде во Унгарија, ние ќе го пречекаме со раширени раце“, рече тој.
ИЗДВОЕНИ
За изигравање “нинџи“ по скопските улици од 1 јануари трајно ќе се одзема возилото, вели Тошковски
ПО СКАНДАЛОЗНО ОДНЕСУВАЊЕ: Директорот Идризи доби жолт картон од премиерот, следната грешка ќе значи разрешување
Проф. д-р Катерина ТОДОРОСКА: Дали Бугарија ќе растури уште еден сојуз?
Крмзов и тајфата лапнале 90 милиони евра од купи-продај недвижнини
