Унгарскиот премиер Виктор Орбан во саботата му порача на украинскиот претседател Володимир Зеленски да „престане да ја малтретира“ Будимпешта, дополнително ескалирајќи го конфликтот меѓу двете земји.
„Унгарија е членка на НАТО и ЕУ, а Украина одамна ќе се распаднеше без поддршката на овие две организации. Претседателе Зеленски, со сето должно почитување, престанете да нè малтретирате“, напиша Орбан на социјалната мрежа X.
Со тоа, тој дополнително ги влоши односите меѓу Будимпешта и Киев, кој ја обвини Унгарија за испраќање извидувачки беспилотни летала на украинска територија.
Во петокот, Зеленски објави дека извидувачките беспилотни летала го нарушиле украинскиот воздушен простор и веројатно ѝ припаѓаат на Унгарија, по што унгарскиот министер за надворешни работи Петер Сијарто напиша на Фејсбук дека „Зеленски почнува да го губи разумот поради неговиот антиунгарски став“ и дека „гледа духови“.
Спорот продолжи и во сабота кога украинскиот министер за надворешни работи Андриј Сибиха објави мапа на социјалната мрежа X за која тврди дека ја покажува траекторијата на беспилотно летало од Унгарија кое влегува во украинскиот воздушен простор.
„Ова е лажно! Не треба да се дискредитирате себеси“, напиша Сијарто на социјалната мрежа X.
ИЗДВОЕНИ
ИНТЕРВЈУ, Бланка Перез Саукило, советничка за туризам на Шпанија: Охрид, природата и автентичноста – најсилни туристички адути на Македонија
Д-Р САШКО ОЛУМЧЕВ: Бројот на грипозни расте, препорачувам одлагање на второто полугодие
ПРОФ. Д-Р МАРКО КИТЕВСКИ: Водата што живот значи
Стартот е закажан, НАИ реди барања за да ја крене рампата: Сејф сити наместо на улица, оди на пеглање!
