Орбан му испрати писмо на Кошта: Постојат две опции, едната води ДИРЕКТНО ДО ВОЈНА – Унгарија го одбира МИРОТ

Унгарскиот премиер Виктор Орбан денес изјави дека Унгарија го избира патот на мирот кога станува збор за руско-украинската војна, објавувајќи дека испратил писмо до претседателот на Европската комисија, Антонио Кошта, во кое го изложил ставот на Будимпешта за американската мировна иницијатива за Украина.

– Руско-украинската војна, а со неа и цела Европа, достигна пресвртница. Американскиот претседател Доналд Трамп нема да се откаже од донесувањето мир во Украина – изјави Орбан.

Според него, Европа се соочува со „два пата“.

– Можеме да се вратиме од ќор-сокакот и конечно цела Европа може да застане зад мировната иницијатива на претседателот Трамп, вклучувајќи ги и бирократите во Брисел. Секако, за да се случи ова, лидерите кои се за војна мора да се соочат со фактот дека последните три и пол „ги трошеа парите на европскиот народ во губитничка војна“, рече Орбан.

Тој предупреди дека „втор пат“, ако европските земји продолжат да даваат финансиска и воена помош на Украина, „тоа ќе ги постави темелите за европско-руска војна“, истакнувајќи дека „Европа веќе има трагично искуство со вакви сценарија“.

– Нема сомнение кој пат ќе го избере Унгарија – патот на мирот. Ова е она што унгарскиот народ ни го даде мандатот да го правиме, ова е она што го диктираат моралот и здравиот разум. Денес испраќам соодветно писмо до претседателот на Европската комисија, рече унгарскиот премиер.