Планот на лидерите на земјите-членки на ЕУ за прием на Украина во блокот најдоцна до 2030 година „мора да се запре“, изјави унгарскиот премиер Виктор Орбан.
„Да се забрза влезот на Украина во ЕУ? Тоа е планот на Брисел, а не наш. Ако Унгарците сакаат да го спречат тоа да се случи, а јас им препорачувам да го сторат тоа, сега е време да се направи нешто. Подоцна ќе биде доцна. На себе и на секој граѓанин на Унгарија си даваме право да одлучува за ова прашање“, изјави Орбан за унгарскиот портал ОТ.
Орбан истакна дека лидерите на ЕУ сакаат да примат земја во блокот која, според него, не е суверена, чија источна граница е непозната и чија територијална големина не е веродостојно позната.
„Не знаеме ни колку жители има. Таа земја не е самоодржлива“, рече Орбан.
Тој изјави дека Украина само со странска помош ја одржува својата војска и функционирањето на целата државна администрација.
„Во меѓувреме, Украина бара ЕУ да се обврзе да ја финансира милионската армија на Украина во наредните децении, користејќи ги парите на европските даночни обврзници“, рече тој, додавајќи дека движечката сила зад пристапот на Украина во ЕУ не е мирот, туку продолжувањето на војната.
ИЗДВОЕНИ
Коцевски: Истрагата за пожарот во Кочани мора да заврши до 16 -17 јуни
Нови временски непогоди се очекуваат во Македонија и регионот: Мај годинава ќе биде посвеж и поврнежлив за разлика од изминатите неколку години
Димитровска со допис до јавноста: Комуникацијата со обвинетиот во „Адитив“ не е поврзана со случајот, тој ми е семеен пријател
Вонреден состанок на Божиновска и Бислимоски: МЕПСО може да исклучува фотоволтаици за стабилен систем за 1 Мај
