Парламентарните избори во Холандија ќе се одржат на 29 октомври, изјави денес министерката за внатрешни работи во заминување, Џудит Ујтермарк.
Холандија ќе одржи општи избори откако лидерот на крајната десница, Герт Вилдерс, ја повлече својата Партија за слобода од холандската влада претходно оваа недела, откако неговите коалициски партнери ги отфрлија неговите предлози за справување со имиграцијата, објави новинската агенција ANP.
Во Холандија е формирана привремена влада по излегувањето на Вилдерс од коалицијата и последователната оставка на премиерот Дик Шуф.
