Во рамките на редовните пролетни активности, Општина Карпош и оваа година има ангажирано овластена фирма што се занимава со ставање „репелент“, средство за превенција и заштита од змии.
Со оглед на моменталните временски услови (бидејќи постојат услови за врнежи од дожд), надлежните информираат дека наскоро, кога се очекува да настапи стабилно и сончево време, службите ќе излезат на терен и ќе ја спроведат акцијата за поставување на ова заштитно средство.
Ќе се става „репелент“ околу основните училишта и детските градинки, како и во непосредна близина на плоштадите, парковите и пофреквентните места на територијата на Карпош.
Станува збор за природен производ, кој е безопасен за луѓето, животните и за околината и кој придонесува за намалување на појавата на влекачи.
