Општина Битола стана членка на Алијансата „Green Mayors“ во која членуваат 19 општини од државите во Западен Балкан.
На основачкото собрание што се одржа во албанскиот град Драч е утврдена регионална платформа за забрзување на зелената транзиција преку општинско лидерство и прекугранична соработка, информираа од Општина Битола.
– Потпишувањето на заедничката соработка се одржа на Форум на „зелени“ градоначалници во Драч, што го организираше OSF-WB (Фондација отворено општество – Западен Балкан), а на кој учествуваа повеќе од 100 општински лидери, претставници на училишта, организации на граѓанското општество и експерти за енергетика. Градоначалникот на Општина Битола, Тони Коњановски, на панел дискусијата посветена на градоначалниците од регионот го истакна проектот „Сончеви училишта“ и слични иницијативи кои покажуваат како промените можат да се случат на ниво на заедницата – соопштија од Секторот за односи со јавност во Општина Битола.
Општина Битола според реализираните проекти и иницијативи, за енергетска ефикасност и зелени решенија е високо позиционирана меѓу градовите од Западен Балкан.
ИЗДВОЕНИ
НОВА НАЈАВА НА ПРЕМИЕРОТ ЗА КОРЕНИТИ ПРОМЕНИ ВО ПРАВОСУДСТВОТО: Мицкоски: Ќе најдеме правни механизми за да ги смениме корумпираните судии и обвинители
Скопје како Лас Вегас, богата историја, многу споменици, но и многу ѓубре
„Национална географија“ го откупи „Силјан“; Документарецот на Тамара Котевска во двојна трка за номинација за „Оскар
Реакцијата на Јамал откако Дембеле ја освои „Златната топка“ (ВИДЕО)
