OpenAI потврди дека безбедносен инцидент во системите на Mixpanel, надворешен аналитички провајдер, резултирал со откривање на ограничени податоци на некои API корисници. Системите на OpenAI не биле засегнати од инцидентот, а чувствителните податоци како што се содржината на разговор, лозинките и API клучевите останале целосно безбедни.
Што точно се случило?
Mixpanel открил пробив во своите системи на 9 ноември 2025 година. Напаѓачот успеал да извезе збир на податоци што содржи кориснички податоци и аналитички материјал. Mixpanel веднаш го известил OpenAI и ги проследил засегнатите податоци за преглед на 25 ноември.
OpenAI потврдува дека ниту еден од неговите системи не бил компромитиран и дека не биле изложени чувствителни податоци – како што се содржината на разговор, API барањата, API клучевите, лозинките, информациите за плаќање или документите за идентификација. Единствените откриени податоци беа аналитички податоци од platform.openai.com.
Кои информации беа потенцијално откриени
Во „датасетот“ можеше да се најде:
името наведено на API сметката
е-поштата поврзана со сметката
приближната локација (град, држава, земја) од метаподатоците на прелистувачот
информации за оперативниот систем и прелистувачот
веб-страницата од која доаѓа корисникот
организацијата или корисничкото име
Содржината на разговорот, барањата, одговорите, употребата на API, лозинките, API клучевите, финансиските податоци, владините документи или сметките на ChatGPT не беа откриени.
Како одговори OpenAI
OpenAI веднаш го отстрани Mixpanel од производство и започна детална анализа на податоците. Компанијата ги известува сите засегнати корисници и организации, а воедно ги заострува и контролите врз сите надворешни партнери.
Воведените мерки вклучуваат:
трајно отстранување на Mixpanel од системот OpenAI
подобрени безбедносни проверки на сите партнери
построги безбедносни стандарди за добавувачите
сеопфатен преглед на целиот екосистем на добавувачи
OpenAI нагласува дека безбедноста, приватноста и транспарентноста се клучни делови од нивната мисија.
