Опаѓа заинтересираноста за Динопаркот во Зоолошката

Од Зоолошката потврдуваат дека првите месеци од отворањето постоела преголема заинтересираност за негова посета како нешто што првпат се отвора во нашата држава, но оттаму велат дека со текот на времето е нормално интересот да е помал. Поради недоволен број вработени, а плус и неколкумина кои заминале во пензија, сега постои само еден влез за Динопаркот, преку главниот на Зоолошката градина, иако првично постоеше и влез од страната на Градски парк, кој е затворен. Од Зоолошката велат дека досега немало поголеми оштетувања на фигурите.

– Околу сервисирањето, станува збор за мали поправки, на пример ако се расипе некој звучник, но поголеми оштетувања досега нема на ниту една фигура, сите се во добра состојба – нагласуваат од Зоолошката градина.

И во Штип по примерот на Скопје, неодамна беше отворен Динопарк. Општина Штип изгради Динопарк на површина од речиси 10.000 квадратни метри во излетничката месност Кртеќе, каде се и паркот Бриони и Зоолошката градина

Кај нас секое чудо за три дена. Така е и со Динопаркот во рамките на скопската Зоолошка градина кој беше отворен во мај 2021 година во време кога градоначалник на град Скопје беше Петре Шилегов.

И од Зоолошката потврдуваат дека првите месеци од отворањето постоела преголема заинтересираност за негова посета како нешто што првпат се отвора во нашата држава, но со текот на времето, оттаму велат дека е нормално интересот да е помал.

Поради недоволен број вработени, а плус и неколкумина кои заминале во пензија, сега постои само еден влез за Динопаркот, преку главниот на Зоолошката градина, иако првично постоеше и влез од страната на Градски парк кој е затворен.

Од Зоолошката велат дека досега немало поголеми оштетувања на фигурите.

– Околу сервисирањето, станува збор за мали поправки, на пример ако се расипе некој звучник, но поголеми оштетувања досега нема на ниту една фигура, сите се во добра состојба – нагласуваат од Зоолошката градина.

Динопаркот се простира на површина од 2.000 квадратни метри и има вкупно 41 реплика на диносауруси од креда и јура периодот, од кои дел се во природна големина со синхронизирани движења, проследени со звуци. Дополнително, во Динопаркот функционално се распоредени и придружни елементи – патеки, зеленило и дел за одмор. Ова е првиот Динопарк на Балканот каде што има толкав голем број фигури од праисториски животни, како и едукативни содржини за секој од различните видови животни.

За изградбата на овој парк од Буџетот на Град Скопје беа потрошени околу 350 илјади евра. Влезот во Динопаркот чини 50 денари.

И во Штип по примерот на Скопје, неодамна беше отворен Динопарк. Општина Штип изгради Динопарк на површина од речиси 10.000 квадратни метри во излетничката месност Кртеќе, каде се и паркот Бриони и Зоолошката градина. Поставени се педесетина експонати, од кои дваесетина се виртуелни диносауруси кои што реагираат на сензори и се движат и притоа испуштаат крикови.

(А. П.)