Пред почетокот на летната сезона Македонија и Албанија ќе го имплементираат системот „One Stop Shop“ за побрз и поедноставен граничен премин, најави министерот за внатрешни работи Панче Тошковски. Тој на заедничка прес-конференција со албанската министерка Албана Кочиу истакна дека тимови од двете држави веќе работат на реализацијата.
Тошковски информираше и дека е договорено унапредување на Центарот за меѓугранична соработка со зголемување на капацитетите и надлежностите, што ќе овозможи побрза координација меѓу службите. Разговарано било и за можноста граничниот премин Џепиште – Требиште да премине на 24-часовен режим на работа преку целата година.
Кочиу оцени дека мерките ќе го олеснат движењето на граѓаните и товарниот транспорт и ќе ја зајакнат економската соработка. Таа посочи дека во 2025 година биле реализирани околу пет милиони преминувања и 1,5 милиони возила, што ја потврдува потребата од поефикасни заеднички гранични точки. Министерката го покани Тошковски во официјална посета на Тирана за финализирање на договорените активности.
ИЗДВОЕНИ
„Ако не ги зголемите нашите доаѓаме по вашите плати“, порача претседателот на ССМ Слободан Трендафилов од протестот
Македонците сакаат во ЕУ, но без Бугари во Уставот
Остри тонови, млака политика – Скопје и Софија во нов дипломатски судир
Синдикатите порачаа: Не застануваме, ќе ја блокираме државата ако нема зголемување на платите
