Советот на јавни обвинители едногласно ги избра Дарко Јакимовски и Владимир Милошески, досегашни обвинители од Основното јавно обвинителство Скопје, за нови членови на Вишото јавно обвинителство Скопје. Во трката за овие две позиции, покрај Јакимовски и Милошески, беа и обвинителите: Александар Маркоски, Марија Ѓоргева, Сања Бурјакоска-Китановска, Зоран Маркоски, Љубомир Лапе, Јасмина Костеска-Здравеска и Спасенка Андонова.
За нови обвинители во Основното јавно обвинителство за гонење организиран криминал и корупција (ОЈО ГОКК) се избрани Наташа Поп Трајкова и Катерина Коларевиќ. Поп Трајкова го води предметот „Адитив“, а Коларевиќ беше обвинителка во предметот против Михамед Зекири и ја води постапката за „Бехтел и Енка“. За двете позиции конкурираа шестмина обвинители: Наташа Поп Трајкова, Катерина Коларевиќ, Александар Маркоски, Дејан Петрески, Зоран Маркоски и Ана Стојковиќ-Димитровска. Советот ја донесе одлуката по претходна процена на професионалните квалификации на пријавените кандидати.
ИЗДВОЕНИ
Арсовска: Проблемот не е водата, туку оние што ја добиваат џабе и институциите што ги штитат!
Педесет и пет ветерници – ветер во грб за енергетска независност
Може ли и Македонија да го следи примерот на Србија и да го зголеми минималецот?
На три недели пред распишување на изборите, не се знаат условите за учество: Независните не ги фермаат ни еден насто!
