Ох, Виктор! Трамп го нарече Орбан „фантастичен“: „Знам дека другите не мислат така, но јас сум оној што е важен“

Унгарскиот премиер Виктор Орбан е „фантастичен“ лидер, изјави американскиот претседател Доналд Трамп на прес-конференција во египетското одморалиште Шарм ел Шеик во понеделник.

Виктор Орбан го објави видеото на својата Фејсбук страница.

Претседателот Трамп го направи тоа!“. На видеото може да се слушне како Трамп вели: „Тука ја имаме Унгарија. О, Виктор! … Го сакаме Виктор“, вели емотивниот Трамп.

„Фантастичен си. Знам дека многу луѓе не се согласуваат со мене, но јас сум единствениот што е важен“, вели Трамп.

Доналд Трамп го покани унгарскиот премиер во Египет, каде што присуствуваше на потпишувањето на договорот за прекин на војната во Газа.

Трамп додаде дека го поддржал Орбан на последните избори и истакна дека тој победил со 28 процентни поени.

„Значи, следниот пат ќе поминеш уште подобро … Ние сме со тебе 100 отсто“.

„Ви благодарам, господине претседателе! Продолжуваме по патот на мирот!“, напиша Орбан во својата објава.

„Вчера светот го гледаше Египет. Американскиот претседател Трамп направи нешто што малкумина би го сметале за можно дури и пред неколку месеци. Неговиот успех испраќа порака: мировните разговори не се спринт, туку маратон. Неуспехот на мировните разговори е причина да не се повлекуваме, туку да продолжиме.

На Европејците им недостасува оваа упорност. Ако работите не одат по нивниот пат, тие се навредуваат и се повлекуваат. Ова не може да биде вака. Ова е она што би го направил претседателот Трамп. На работа, драги Европејци!“, напиша тој во друга објава.