Американската демократска сенаторка Џин Шахин го коментираше укинувањето на американските санкции против Милорад Додик и другите, објавено вчера од администрацијата на Доналд Трамп.
Таа остро ја критикуваше оваа одлука и го оцени овој потег како „неодговорен и предвремен“.
„Одлуката на администрацијата на Трамп да ги укине санкциите против Милорад Додик е неодговорна и предвремена. Додик го поткопа Дејтонскиот мировен договор, се зближи со Путин и профитираше од корупција – ова во никој случај не може да биде основа за ублажување на санкциите. Американскиот народ заслужува објаснување“, објави Шахин на социјалната мрежа X.
“The Trump Administration’s decision to lift sanctions on Milorad Dodik is reckless and premature. Dodik has undermined the Dayton Peace Agreement, cozied up to Putin and profited from corruption—hardly grounds for relief. The American people deserve answers.” –@SenatorShaheen https://t.co/lytrhQMrhk
— Senate Foreign Relations Committee (@SFRCdems) October 29, 2025
