Одличен избор за романтична вечера со свеќи: Чорба од шампињони и бело вино, предјадење со софистициран вкус за во двојка

Ако барате рецепт што комбинира едноставност на подготовка и богат, софистициран вкус – супа од печурки со бело вино е вистинскиот избор.

Оваа супа, која мириса на медитеранска кујна и вечери со свеќи, е совршена како топло предјадење, прилог со месо, па дури и лесен главен оброк со парче свеж леб.

Потребни состојки:

250 г печурки
2 лажици маргарин
1 мал кромид
1 лажица брашно
2 дл бело вино
1 чешне лук
сол и бибер по вкус
сечкани листови магдонос за декорација

Подготовка:

Растопете го маргаринот во длабок тавче или тенџере на средна температура. Додадете го ситно исечканиот кромид и пржете додека не стане проѕирен, но внимавајте да не потемни. Потоа додадете ги исчистените и исечкани печурки и пржете додека не ја испуштат својата течност и не почнат малку да поруменат.

Кога печурките ќе омекнат, посипете ги со една лажица брашно и добро измешајте за да се соедини сè. Полека додадете го белото вино, мешајќи постојано за да не се создадат грутки. Додадете го ситно исечканиот лук, зачинете со сол и бибер и гответе уште неколку минути додека сосот не се згусне и алкохолот од виното не испари, оставајќи само суптилна арома.

Кон крајот, посипете со свеж магдонос, што ќе му даде на јадењето дополнителна свежина и боја.

Совршенство на чинија

Овие печурки се идеални со печено месо, тестенини или ориз, а со чаша од истото вино што сте го користеле при подготовката – добивате вистинско гастрономско задоволство. Едноставно, миризливо и неодоливо кремасто јадење кое ќе го воодушеви секој љубител на добра храна.