По кратка пауза денеска, утре ски-центарот „Копанки“ повторно продолжува со работа.
– Ќе работи само горната патека, каде што се одлични условите за скијање и за уживање во зимската магија – известуваат од ски- центарот.
Оттаму упатуваат покана до сите љубители на снегот, природата и на зимските спортови да го посетат Пелистер и да создадат нови, како што велат, снежни спомени во планинската атмосфера.
Притоа, апелираат посетителите редовно да ги следат официјалните информации за работното време и за состојбата на патеките, во зависност од временските услови.












