Инспекторите од Секторот за инспекциски работи при Општина Струмица, од 1 до 24 ноември, извршиле вкупно 43 вонредни инспекциски контроли за превентивно и репресивно дејствување за спречување или намалување на штетните последици од загадувањето на амбиентниот воздух, животната средина, како и обезбедување на јавната чистота на јавните површини.
Од Општината соопштија дека една од локациите за вонреден инспекциски надзор била улицата „Антон Панов“, каде што многу често се фрла отпад од стари моторни возила на земјиште во сопственост на правни и на физичка лица и на јавна површина.
– Од страна на општинските инспектори, а во соработка со СВР Струмица, се обезбедени материјални докази за кривичен прогон – се наведува во соопштението.
Во овој временски период, општинскиот инспектор за животна средина извршил и 12 вонредни инспекциски контроли, општинските комунални инспектори 17 вонредни инспекциски контроли, а општинските градежни инспектори 14 вонредни инспекциски контроли.
Врз основа на затечената состојба, против правните и физичките лица што не ги почитуваат законите ќе бидат поднесени соодветни пријави.
Од Секторот за инспекциски работи апелираат до сите правни и физички лица на законско работење и однесување за да се намали аерозагадувањето и за да се зголеми јавната чистота во Општината.
ИЗДВОЕНИ
Мицкоски со нов рок: Имињата на новите министри в понеделник, Вреди нема да има министер плус
Предупредување за поплави! УХМР издаде „жолто ниво“ за опасност
Македонските возачки дозволи во Словенија ќе можат да се заменат без полагање на практичен испит
Ексфункционери го „жнееле“ буџетот – државата оштетена за 780.000 евра
