Нобеловата фондација, која е одговорна за доделување на Нобеловите награди, повтори дека наградата не може да се пренесе или дистрибуира, дури ни симболично, пренесе „Танјуг“.
Во соопштението објавено на веб-страницата на фондацијата се наведува дека една од основните мисии на Нобеловата фондација е да го заштити достоинството на Нобеловите награди и нивното администрирање. „Фондацијата ја поддржува волјата на Алфред Нобел и неговите одредби.
Во него се наведува дека наградите ќе им бидат доделени на оние кои „донеле најголема корист за човештвото“ и се наведува кој има право да ја додели секоја награда. Затоа, наградата не може да се пренесе или дистрибуира, дури ни симболично“, се вели во соопштението.
Фондацијата го објави ова откако добитничката на Нобеловата награда за мир и лидерка на венецуелската опозиција, Марија Корина Мачадо, му ја додели наградата на американскиот претседател Доналд Трамп.
„Му ја доделив наградата на претседателот на Соединетите Американски Држави – Нобеловата награда за мир. Тоа е признание за неговата единствена посветеност на слободата на народот на Венецуела. Подарокот е знак на братството меѓу Венецуела и Соединетите Американски Држави во борбата за слобода против тиранијата“, рече Мачадо минатата недела, откако му ја додели наградата на Трамп.
ИЗДВОЕНИ
Одбележување на празникот Богојавление – Водици во Скопје – Бог се јави!: 24-годишниот Дарко Митровиќ најбрзо стаса до чесниот крст/ФОТО
Свечено одбележување на Водици во Охрид: Мартин Гоџо го извади крстот од осветените води на Охридското Езеро
ЈО Битола: Внук осомничен за обид за убиство на сопствената баба – се бара притвор за 28-годишникот
Православните верници денеска го слават празникот Богојавление – Водици, Чесниот крст се положува во осветените води
