Обвинителството оформило предмет и врши предистрага во Општина Охрид по ревизорскиот извештај на Државниот завод за ревизија, кој утврдил 4.847 дивоградби, меѓу кои згради и хотели, како и сомнително финансиско работење. Од Обвинителството соопштија дека извештајот бил доставен на 19 декември 2025 година и е проследен до Основното јавно обвинителство Охрид, каде се преземаат проверки.
Ревизијата открила дека Општината нема донесено урбанистички планови за 20 населени места, не презела мерки за отстранување на бесправните објекти, а урбаната опрема се поставувала без дозволи и платени такси. Според ДЗР, субвенциите за јавните претпријатија од 36,5 милиони денари биле доделувани без програма и без согласност од Советот.
Охридскиот Регион е под заштита на УНЕСКО, а до 1 февруари Македонија и Албанија треба да достават извештај за мерките за заштита, во спротивно може повторно да се отвори прашањето за ставање на регионот на Листата на светско наследство во опасност.
ИЗДВОЕНИ
Македонците сакаат во ЕУ, но без Бугари во Уставот
Остри тонови, млака политика – Скопје и Софија во нов дипломатски судир
Синдикатите порачаа: Не застануваме, ќе ја блокираме државата ако нема зголемување на платите
СЕ НАДМИНУВА ПРОБЛЕМОТ СО НЕЗАВЕДУВАЊЕТО НА НАСИЛНИЦИТЕ ВРЗ ДЕЦАТА: Регистарот „одмрзнат“, педофилите со име и презиме на список!
