Обновени тоалетите во училиштето „Ѓорче Петров“

Во ООУ „Ѓорче Петров“ во Општина Ѓорче Петров, заврши обновувањето на ученичките тоалети.

–Со тоа се значително подобрени хигиенските и функционалните услови во училиштето – нагласуваат од Општина Ѓорче Петров.

Оттаму информираат дека реконструкцијата опфатила нов и функционален распоред, приспособен на потребите на сите ученици, вклучително и на учениците со попречености.

–Во рамки на зафатот се реализирани еден тоалет за лица со попречености, едно трокадеро, четири женски кабини (две стандардни и две приспособени за помали деца), три машки кабини (две стандардни и една приспособена за помали деца), четири писоари (два на стандардна висина и два пониски за помали деца) и по три мијалници во машкиот и во женскиот тоалет, како и во тоалетот за лица со попречености – соопштија од локалната самоуправа.

Притоа, додаваат дека со оваа инвестиција се создадени подобри, побезбедни и похигиенски услови за учениците, како и современ санитарен простор што одговара на нивните реални потреби.

– Вложувањето во училишната инфраструктура претставува вложување во здравјето и безбедноста на учениците. Општина Ѓорче Петров и понатаму ќе продолжи со активности насочени кон подобрување на условите за настава и престој во училиштето – нагласуваат од локалната самоуправа.