Општина Ѓорче Петров го искористи зимскиот распуст за подобрување на условите во основните училишта. Конкретно, во ООУ„Ѓорче Петров“ се реконструираа училишните тоалети, со целосен пристап за лицата со телесна попреченост.
Воедно, заменет е системот за греење во спортската сала за подобри и поквалитетни услови за спорт и рекреација.
– Континуирано инвестираме во безбедни, достоинствени и современи услови, затоа што грижата за учениците и за наставниот кадар е наша трајна обврска, не кампања – соопштија од Општина Ѓорче Петров.
