Сараево денес, 12 февруари, беше потресено од тешка сообраќајна несреќа во која, откако трамвај излета од шините, едно лице загина, а четири други беа повредени, пренесе „Независне новине“.
Снимката што го прикажува моментот на излетувањето на трамвајот од шините беше објавена на социјалните мрежи и федералните портали.
Инаку, трамвајот, кој се движел од Железничката станица кон Башчаршија, излетал од шините на раскрсницата пред Националниот музеј.
Поради насилното исфрлање, возилото целосно ја урнало трамвајската постојка и завршило на главниот пат.
Повредените се итно префрлени во болниците во Сараево, а информациите за нивната состојба е загрижувачка.
