Интернет конекциите во Иран веројатно ќе бидат обновени денес во 20 часот по локално време, објавија иранските медиуми.
Иранските државни медиуми објавија дека сајбер нападите што доведоа до исклучување на интернетот се одбиени. Поголемиот дел од 91 милион жители на Иран се без интернет речиси три дена откако иранската влада воведе исклучување на интернетот на национално ниво, објави „Би-Би-Си“.
Прекинот на интернетот во Иран е опишан како „најлош“ во историјата на контролата на интернетот во земјата.
Последниот пат кога имаше толку долго исклучување на интернетот, во 2019 година, протестите во земјата беа брутално потиснати, а овој пат интернетот беше исклучен во средината на конфликтот со Израел, објави „Би-Би-Си“.
Извори блиски до иранските власти тврдеа дека исклучување на интернетот имало за цел да ги спречи израелските операции во Иран, но тие не дадоа никакви докази за ова тврдење. Иранската влада строго го контролира пристапот до интернет, но и покрај ограничувањата, огромното мнозинство ирански корисници се свртуваат кон алатки против филтрирање за да видат подалеку од оваа дигитална завеса, пренесува Танјуг.
ИЗДВОЕНИ
ОЈО Скопје отвори итна истрага за помагање на сторителите во убиствата на Вања и Панче – лишено од слобода едно лице
Јаневска: Воведување на вештачката интелигенција е следен чекор во процесот на дигитална трансформација на образовниот систем
На првиот ден на летото и на Светскиот ден на музиката, традиционално отворање на фестивалот „Скопско лето“ – годинава по 46-ти пат
Нино Васев и Нехат Нухи испратени во затворски притвор
