Министерот за животна средина и просторно планирање, Муамет Хоџа, на работен состанок со директорите на националните паркови Пелистер, Маврово, Галичица и Шар Планина, ја потврди континуираната поддршка на Министерството за развој, заштита на природните вредности и одржливо управување со парковите.
– Со особено задоволство можам да истакнам дека и во 2026 година Министерството обезбеди наменски средства за активности за заштита и промоција на националните паркови, што е јасен сигнал за долгорочната посветеност на државата кон заштитата на природата и одржливиот развој – истакна министерот Хоџа.
На средбата беше нагласено дека националните паркови претставуваат клучен столб во заштитата на природното наследство, како и важен двигател на одржлив туризам и локален економски развој.
Министерот Хоџа додаде дека Министерството ќе продолжи да ги поддржува националните паркови преку унапредување на законската регулатива, обезбедување стабилна финансиска поддршка од државниот буџет и координација со ПОНТ, ЕУ ЛИФЕ програмата и други меѓународни партнери. Ова ќе овозможи подобрено управување, заштита на биолошката разновидност и развој на зелена инфраструктура во парковите.
Националните паркови денес се повеќе од заштитени подрачја – тие се атрактивни еко-туристички дестинации и позитивен пример за одговорно управување со природните ресурси, соопшти Министерството.
ИЗДВОЕНИ
НАЈГОЛЕМА ПОЛИЦИСКА АКЦИЈА ВО СПРАВУВАЊЕТО СО НЕЛЕГАЛНА ТРГОВИЈА: Запленети десетици тони, до каде ќе оди корнењето на марихуаната?!
Новоградбите во Центар привлекуваат странски капитал – дански фонд веќе купил 40 стана
Во месарниците килограм јагнешко 1.200 денари, а овчарите добиваат едвај 300 денари
Синдикатите во УПОЗ дадоа зелено светло на договорот со Владата за пораст на платите од 40 отсто
