Американскиот претседател Доналд Трамп планира да се сретне со рускиот претседател Владимир Путин уште следната недела, објави денес „Њујорк тајмс“, повикувајќи се на два неименувани извори.
Потоа, се очекува Трамп да се сретне со украинскиот претседател Володимир Зеленски, а за ова се информирани европските лидери кои учествуваа во телефонскиот разговор меѓу Трамп и Зеленски, објави „Ројтерс“.
Трамп претходно денес објави дека неговиот специјален пратеник Стив Виткоф постигнал голем напредок во денешните разговори со рускиот претседател Владимир Путин во Москва.
