Подгответе се за рекордни горештини што доаѓа во следните неколку години. Двете водечки светски метеоролошки агенции предупредија дека се соочуваме со топлотни бранови кои ќе ја турнат Земјата во најсмртоносните, најогнените и најнепријатните крајности.
Има 80 отсто шанси светот да собори уште еден годишен температурен рекорд во следните пет години, а уште поверојатно е дека меѓународниот температурен праг поставен пред 10 години повторно ќе биде надминат, покажуваат податоците на Светската метеоролошка организација и Британската метеоролошка служба.
Поплави, суши, урагани
„Повисоките глобални температури можеби звучат апстрактно, но во реалниот живот тие се претвораат во поголема веројатност за екстремни временски услови: посилни урагани, пообилни врнежи, суши“, рече климатологот Натали Маховалд од Универзитетот Корнел.
– Со оглед на тоа што следните пет години се очекува да бидат во просек за повеќе од 1,5 степени Целзиусови потопли од прединдустриските нивоа, ова ќе стави повеќе луѓе од кога било во ризик од силни топлотни бранови, што ќе донесе повеќе смртни случаи и сериозни здравствени последици, освен ако луѓето не можат подобро да се заштитат од ефектите на топлината. Можеме да очекуваме и поинтензивни шумски пожари бидејќи потопла атмосфера го суши пејзажот, рече Ричард Бетс, раководител на истражувањето за влијанието врз климата во Метеоролошката канцеларија во Обединетото Кралство и професор на Универзитетот во Ексетер.
Мразот на Арктикот, кој ќе продолжи да се загрева 3,5 пати побрзо од остатокот од светот, ќе се стопи и нивото на морето ќе се зголеми побрзо, додаде Хјуит.
Новото нормално
Научниците велат дека „глобалните температури обично се зголемуваат како ескалатор, со привремени и природни временски циклуси на Ел Нињо кои делуваат како скокови нагоре или надолу на тој ескалатор. Но, неодамна, по секое скокање на Ел Нињо, што придонесува за затоплување на Земјата, планетата не се враќа многу, дури и воопшто“.
„Рекордните температури веднаш стануваат нова норма“, заклучи климатологот Роб Џексон од Универзитетот Стенфорд.
Сериозни здравствени последици
„Со секој десетти степен на затоплување предизвикано од човекот, ќе доживееме почести и екстремни настани, особено топлотни бранови, но и суши, поплави, пожари и урагани“, изјави Јохан Рокстром, директор на Институтот за истражување на климатските влијанија во Потсдам во Германија.
Загрижувачки прогнози
И за прв пат постои шанса, иако мала, пред крајот на деценијата, годишните температури да ја надминат целта на Парискиот климатски договор за ограничување на затоплувањето на 1,5 Целзиусови степени и да достигнат поалармантни два Целзиусови степени. Научниците истакнуваат дека има 86 отсто шанси тоа да се случи во една од следните пет години. Проекциите доаѓаат од повеќе од 200 прогнози со помош на компјутерски симулации спроведени од 10 глобални научни центри.
Пред десет години, истите тимови проценуваа дека има мали шанси, околу еден процент, една од следните неколку години да го надмине критичниот праг од 1,5 степени, а потоа тоа се случи минатата година.
