Под мотото „Патека на радоста”, на новоизградениот плоштад во Марино, од утре до недела ќе се одржи Новогодишен базар.
Базарот, под покровителство на Општина Илинден и на неколку општествено одговорни компании, ќе понуди богата и разновидна програма наменета за сите генерации.
– За најмладите посетители се предвидени средби со Дедо Мраз, Маша и Медо, театарски претстави, танцови настапи и магионичарски перформанси, создавајќи вистинска празнична магија – соопштија од Општина Илинден.
Љубителите на современата музичка сцена ќе имаат можност да уживаат во настапи на едни од најпознатите македонски изведувачи: Тони Зен, Јанг Дади, Таско, Пајак, како диџеј Боно.
