Пред десет дена се одигра дерби натпреварот помеѓу лутите градски ривали од шпанската Ла Лига, Атлетико (М) и Реал (М). Сосема неочекувано, домаќинот на крајот славеше со убедливи 5:2.
„Јорганџиите“ поведоа преку Ле Норманд во раната фаза од натпреварот, а потоа „кралскиот клуб брзо“ ги сврти работите во своја корист.
Со головите на Мбапе и Гулер гостинот дојде во водство од 2:1, но до крајот на првото полувреме Атлетико (М) успеа да го израмни резултатот преку Сорлот.
Второто полувреме беше целосно во рацете на домашниот тим кој повторно дојде во водство, овој пат преку Алварез кој успешно го реализираше ударот од белата точка во 51-та минута.
Аргентинецот го постигна својот втор гол на натпреварот само 12 минути подоцна, а до крајот на натпреварот, Гризман исто така успеа да се запише во листата на стрелци.
Новото засилување на Реал (М), Франко Мастантуоно, исто така привлече внимание, но на многу негативен начин. Имено, фрустриран од резултатот и ситуацијата на теренот, тој реши да направи дрзок потег.
Иако немаше потреба за тоа бидејќи натпреварот веќе беше прекинат, тој со сета сила ја шутна топката кон навивачите на Атлетико (М). Овој потег беше дочекан со гласни извици од домашните навивачи на стадионот, како и осуда на социјалните мрежи. Мастантуоно ја започна својата сениорска кариера во Ривер Плата, а ова лето стана играч на кралскиот клуб. Што се однесува до неговата репрезентативна кариера, тој играше за аргентинските селекции до 17 години и до 20 години, а има и три настапи за А-тимот.
