Новиот градоначалник на Њујорк го носи средното име по големиот пријател на Тито

Покрај тоа што беше симбол на африканската слобода, Нкрума беше и близок сојузник на Јосип Броз Тито. Заедно, со лидери како Џавахарлал Неру и Гамал Абдел Насер, тие го формираа Движењето на неврзаните – глобален фронт на независни држави кои одбија да бидат дел од блоковите од Студената војна. Под негово водство, Гана беше меѓу првите африкански држави што ја поддржаа југословенската визија за меѓународна соработка заснована на еднаквост и самостојност.

Југословенскиот претседател Јосип Броз Тито ја оствари својата прва официјална посета на Гана во 1961 година, само една година откако Гана доби целосна независност.

За време на дипломатската турнеја на Тито во 1961 година, претседателот на Гана, Кваме Нкрума му подари на Тито пар машки влечки, симболизирајќи ја неговата подготвеност за долгото патување, заедно со порака во која се нагласуваат долгорочните придобивки од посетата на Тито. Тито беше првиот странски државник поканет да се обрати пред парламентот на Гана од независноста во 1957 година.

Југословенската делегација му подари на Нкрума автомобил „црвена застава 1100“, произведен во Југославија, а на неговата сопруга, Фатија Нкрума, сет виолетови кристални чинии.

Другите подароци вклучуваа рендгенски апарат „Морава“ за градот Акра, филмски проектор за Универзитетот во Гана и радио и два комплета играчки за градскиот болнички центар.