Новинар ја запроси девојката пред Путин и го покани рускиот претседател на свадба: Неговата реакција ги изненади сите/ВИДЕО

Рускиот претседател Владимир Путин одговараше на прашања од граѓани и новинари, и додека претходните прашања се фокусираа на различни актуелни теми, едно од нив не беше упатено до самиот претседател.

Имено, еден новинар ја искористил можноста да ја запроси својата девојка и го поканил рускиот претседател на свадбата, објави РИА Новости.

На изненадување на сите, тој ѝ предложил брак на својата девојка со познатото прашање: „Олга, дали ќе се омажиш за мене?“

Изненадувачкиот момент не само што ги воодушеви присутните, туку и самиот Путин реагираше со насмевка.

„Облечени сте како да сте подготвени за свадба“, забележа Путин, обраќајќи се кон новинарот, кој рече дека натписот не е шега.

„Знам дека мојата девојка го гледа преносот токму сега. Олечка, омажи се за мене“, рече Бажанов.

Новинарот продолжи: „Господине претседателе, би ни било многу драго да ве видиме на нашата свадба“, на што претседателот одговори со едноставен совет: „Можете да чекате засекогаш, па затоа е подобро да не одложувате“.

Путин понатаму додаде: „Постои добра традиција меѓу кавкаските народи – тие се мажат доста млади“, истакнувајќи дека ова е, всушност, правилниот пристап.

Тој додаде дека треба да ја следиме оваа традиција.

Прашањето ги изненади присутните, но предизвика и лавина од коментари на Интернет – некои од нив се вистински хит.

„Дали Путин рече „да“ во нејзино име?“, „Ова нема да остари добро“, „Ова е едноставно психотично“, „Ах, таа ќе го помине медениот месец на фронт“, „Лажни глупости. Ништо не се случува спонтано во присуство на Путин. Ставете некаков контекст во објавата“, „Циркус“, „Одвратно“ и „Сирота девојка“, се некои од коментарите.

Путин, исто така, нагласи дека „продолжувањето на семејството е неизбежен дел од животот, божествената мисија на човекот“.

„Чекајќи бесконечно подобрување на материјалните услови, образованието и слично, можете да чекате бесконечно, но подобро е да не се одложува раѓањето деца. Тоа е дел од нашиот живот и мора да го поминеме животот таков каков што е. Продолжувањето на семејството, особено ако сте побожна личност – може да биде божествена мисија на човекот“, рече Владимир Путин.

Претседателот потсети дека во Русија е создаден цел систем на поддршка за семејства со деца. „Ова важи и за студентските семејства и така натаму“, додаде тој.

A 23-year-old journalist from Ekaterinburg proposes to his girlfriend while asking Putin a question during his marathon presser. pic.twitter.com/AGEMz2Zem4

— max seddon (@maxseddon) December 19, 2025