Утрово центарот на Скопје осамна во невообичаено издание. Додека градот се буди и го следи својот вообичаен ритам, нешто изненадувачко се подготвува на улицата „Македонија“, на потегот од Рекорд кон плоштадот „Македонија“. Улицата, барем денеска, доби ново име – улица „Bestie“.
Минувачите во центарот на градот утрово ги дочека виолетова улична табла со новото име на улицата и гламурозно добредојде со необичен виолетов килим. Долж улицата, вниманието на минувачите го привлекуваат убави, охрабрувачки и позитивни пораки кои им се обраќаат на сите девојки и жени.
Според информациите до кои дојдовме, целата сцена е дел од настанот кој денеска, од 12 до 16 часот, го организира dm Македонија, во чест на 28 мај – Денот на менструалната хигиена, во рамки на проектот „Никогаш повеќе сама“. Во срцето на настанот се поставени три зони за брзо советување со гинеколог, каде што три доктори-специјалисти од Здружението на гинеколози и опстетичари – МАГО, д-р Огнен Богданоски, д-р Антонела Манасиевска и д-р Ивана Наков, обезбедуваат доверливо, брзо и квалитетно советување за сите прашања поврзани со менструалното здравје и хигиена.
Од другата страна на виолетовата улица, минувачите ќе може да креираат фото спомени и да ги споделат на своите профили на социјалните мрежи, со што ќе добијат симболичен подарок за нивната поддршка на настанот. И секако, тука ќе биде и Bestie – херојот на проектот на dm Македонија и најдобра другарка на секоја жена и девојка.
Таа ќе биде присутна за поддршка, многу насмевки и инспирација, но и да ги воведе сите присутни во содржините што таа ги подготви заедно со тимот на dm Македонија. Настанот е отворен за сите, а улицата „Bestie“ ќе биде активна од 12 до 16 часот. За сите кои поминуваат низ центарот денеска – не пропуштајте да застанете, да побарате совет од гинеколог, да оставите насмевка за Bestie и да си земете подарок, но и да ги прочитате инспиративните пораки.
Денеска зборуваме во чест на менструалната хигиена – отворено, достоинствено и со голема поддршка.
Внеси
ИЗДВОЕНИ
Тошковски: Жителите во близина на пожарот во Трубарево да ги напуштат своите домови
Доктор Чибишев: Отровните гасови при горење електронски отпад можат сериозно да го загрозат здравјето на луѓето
2.000 заштитни маски ќе им бидат распределени на жителите од Трубарево
Најголемата мистерија на денешницата: Исчезна пред терористичкиот напад и не е пронајдена до ден-денес!
