Денеска е поставена нова колекторска пумпа во близина на плажата Калдрма, во населеното место Нов Дојран.
Надлежните најавуваат подобра работа на колекторскиот систем за прочистување на езерските води.
– Ова е прва од неколкуте пумпи што ќе се постават на потегот од Нов до Стар Дојран – соопштија од јавното комунално претпријатие „Комуналец – Полин“ од Дојран.
Од претпријатието очекуваат да се реши проблемот со одведувањето на отпадните води до колекторската станица во Дојран.
