Израел во среда одобри клучен проект за изградба на 3.400 станови на окупираниот Западен Брег, за кој критичарите велат дека ќе ја пресече палестинската територија на два дела и ќе го спречи воспоставувањето палестинска држава со територијален континуитет.
„Со задоволство објавувам дека пред околу еден час цивилната администрација одобри планови за изградба на населбата Е1!“, рече Гај Јифра, градоначалник на израелската населба Маале Адумим.
Меѓународната заедница ја критикуваше можноста за одобрување на контроверзниот проект минатата недела. ОН и ЕУ го повикаа Израел да се откаже од неговото спроведување.
Израелската крајно десничарска министерка за финансии, Безалел Смотрих, повика на забрзување на планот за анексирање на Западниот Брег, кој Израел го окупираше во 1967 година, како одговор на најавата на неколку земји дека ќе ја признаат палестинската држава.
Израелската невладина организација „Мир сега“ која се спротивставува на населбите на окупираните територии, предупреди дека тоа е „фатален план за иднината на Израел и секоја перспектива за решение со две држави (на израелско-палестинскиот конфликт)“.
Со исклучок на Источен Ерусалим, кој Израел го анектираше, речиси три милиони Палестинци живеат на Западниот Брег, заедно со околу 500.000 Израелци во населбите што ОН ги смета за нелегални според меѓународното право.
ИЗДВОЕНИ
Филков: Можеби е дојдено време да се ревидира Бадентеровото мнозинство, Македонија мора да оди напред
Почнуваат 64. Струшки вечери на поезијата; Добитникот на „Златен венец“ Иван Штрпка традиционално ќе засади дрвце во Паркот на поезијата
Нема казни за терање кампања со државна лимузина, оставено на совеста на функционерите!?
Македонските превозници сардисани од европски давачки
