Контроверзниот хрватски пејач Марко Перковиќ Томпсон, кој ги величи усташите во своите песни и изведби, повторно се обрати до публиката во Загреб со усташкиот поздрав „За татковината спремни“, и покрај најавите на градските власти дека, доколку тоа се случи, ќе му биде забрането да учествува во идните концерти на сите места што ги управува Градот.
Синоќа, публиката во Загребската арена одговори на извикот на Томпсон со зборот „подготвени“, по што пејачот ја изведе песната „Бојна Чавоглаве“, која често беше критикувана во јавноста за користење на усташкиот поздрав, пренесоа хрватските медиуми.
Со оглед на тоа што градските власти не одобрија уште еден концерт на Томпсон закажан за вечерва, пејачот од сцената повика на политичка смена на градоначалникот на Загреб, Томислав Томашевиќ, на следните избори, без разлика дали се редовни или вонредни.
Градоначалникот Томашевиќ претходно објави дека Томпсон, во случај повторно да се извикува усташкиот поздрав „За татковината спремни“, повеќе нема да може да настапува во градските места.
Тој прецизираше дека нема да има нови концерти доколку таква содржина се појави на настапот на 27 декември.
