Со отворање на традиционалниот турнир во мал фудбал, вчеравечер е пуштен во употреба новоизградениот спортски терен за мал фудбал со вештачка трева, лоциран во дворот на ООУ „Наум Охридски“, во Булачани.
– Овој терен претставува исполнување на едно долгогодишно барање на жителите од Булачани, кои со децении посакуваа ваков простор за спорт и рекреација. Традиционалниот турнир во мал фудбал се одржува секоја година и му е посветен на Божидар Стојановски – Брич, со што му оддаваме почит на неговото значење за локалната заедница – соопштија од Општина Гази Баба.
