Во населеното место Илинден се реализираат градежни работи за поставување и монтажа на препумпен уред.
Овој препумпен уред се поставува во најнискиот дел на ова населено место и ќе ги зафати водите од фекална канализација на улица „19“ и нејзините краци.
– Препумпниот уред ќе претставува собирно место од повеќе улици, од кои дел веќе имаат фекална канализација, но и улици каде што, во наредниот период, ќе се работи на изградба на фекална канализација – објаснуваат од Општина Илинден.
Градоначалникот на Општина Илинден, Александар Георгиевски, истакна дека отпадните фекални води од овој препумпен уред ќе се препумпуваат во веќе изградената пречистителна станица во населбата Илинден и ќе се прочистуваат во неа.
– На овој начин се овозможува комплетно зафаќање, одведување и прочистување на отпадните фекални води, што претставува наша приоритетна заложба во насока на обезбедување квалитетни услови за живот на нашите граѓани, како и подобрување и унапредување на животната средина – заклучи Георгиевски.
