Македонската женска јуниорска кошаркарска репрезентација го претрпе и четвртиот пораз во Б-дивизијата на Европското првенство. Во натпревар од последното коло од А-групата, Македонија загуби од Ирска со разлика од 33 поени (56:89).
Иако го добија првиот период со 19:18, сепак, во вториот, избраничките на селекторот Петровски тотално потфрлија. Постигнаа само 6 поени за 10 минути игра, па противничките на одмор заминаа со +19 (25:44). Второто полувреме беше само формалност за нашите младинки кои завршија последни во групата без ниту една победа со негативна кош-разлика од 163 поени (179:342).
Најефикасна во нашите редови на мечот со Ирска беше Ивана Колева со 26 поени, а двоцифрена уште беше и Ања Начевска која заврши со 10 коша.
Утре следува дуел во разигрувањето за пласман од 17 до 20 место, противник ни е селекцијата на Австрија.
ИЗДВОЕНИ
Клековски: Интерната комисија располага со потребната документација, супервизијата од странските доктори ќе ја увери јавноста во објективноста
МАНАСТИРОТ „УСПЕНИЕ НА ПРЕСВЕТА БОГОРОДИЦА“ КАЈ МАТКА ГО ОДБЕЛЕЖУВА ПАТРОНОТ, СЕСТРИНСТВОТО СО ПОСЕБНА МИСИЈА: Везовите со мотиви од фреските од Лесново, Велјуса, Нагоричане – чувари на вековната македонска традиција
(Не)соборливи рекорди на Евробаскетот, на листата е и – Перо Антиќ!
ЗВУЧНИ ИМИЊА ВО ТРКАТА ЗА ГЛАВНИОТ ГРАД: Седмa кандидатура за градски татко, се множат имиња и ветувања
