Општина Ѓорче Петров во наредниот период ќе го реконструира патот, односно кракот на улица „100“, со продолжение на улицата што води кон железничката станица во Волково.
– Создаваме навремени услови за подостапен пристап до јавниот транспорт во овој дел од општината. Подобрата поврзаност е предуслов за развој и за унапредување на секојдневието на жителите – истакна градоначалникот на Општина Ѓорче Петров, Александар Стојкоски.
Тој додаде дека со овој зафат се унапредува пристапот до железничкиот транспорт, а истовремено се подобрува и вкупната сообраќајна поврзаност во Волково.
Од Општината велат дека остануваат посветени на изградбата и реконструкцијата на инфраструктурата, со цел да обезбедат подобри услови за живот за сите граѓани.
